زتونة الـPhysiology الترم الأول
صفحة 1 من اصل 1 • شاطر
زتونة الـPhysiology الترم الأول
نظام المواد عندنا في أولى وتانية مختلف عن الجامعات التانية شوية،
بمعنى إن المواد في الجامعات التانية هي : أناتومي، فسيولوجي، هستولوجي، بايوكميستري
لكن عندنا بيجمع الفصول المتعلقة ببعض من الأناتومي والفسيولوجي والهستولوجي (أو الفسيولوجي والهستولوجي بس) ويحطهم في مادة واحدة.
يعني مثلًا: عملية التنفس (فسيولوجي) + شكل الرئتين ومكانهم وتغذيتهم (أناتومي) + التركيب الدقيق للرئتين (هستولوجي) = دول يجمعهم في مادة واحدة مع بعض ويسميها مادة التنفس ( بقول مثلًا يا جماعة )
الفسيولوجي عندنا في سنة أولى -الترم الأول- جزء من مادة اسمها
Cell Biology أو بيولوجيا الخلية
كل الفكرة في الموضوع :
إن الفسيولوجي ده علم الوظائف ، و الهستولوجي ده علم التركيب الدقيق
وانت ف سنة أولى هتدرس الخلية ، مكوناتها ووظائفها
مكونات الخلية : هتتعرف عليها من خلال علم الهستولوجي
ووظائف الحاجات اللي جوا الخلية : هتتعرف عليها من خلال علم الفسيولوجي
بس كده .. بسيطة أهيه
خلينا بقى نتكلم عن الفسيولوجي هنا، ونسيب الهستولوجي لقسم الهستولوجي
Physiology
أو Physio زي ما تحب
الفسيولوجي ، علم وظائف الأعضاء ، دي مادة هتعرفك وظيفة كل عضو ف الجسم إيه ،
والطريقة اللي بيأدي بيها الوظيفة دي .. يعني Function و Mechanism .
مبدئيًا كده .. الناس اللي بتحفظ الفسيولوجي من غير فهم ، هتلاقيه صعب ، وممكن يبقى عقدتهم ف سنة أولى وتانية ..
الفسيولوجي مادة معتمدة بشكل أساسي على الفهم ، ف حاول تفهم قد ما تقدر ، ومتحفظش وخلاص .
لكن بالنسبة للترم الأول يعني ، ف الفسيولوجي اللي عليك بسيط و كمية الفهم فيه مش كبيرة .
المحاضرات :
الجزء ده من الفسيولوجي بيشرحه د / خالد عبد الساتر ، و شرحه ممتاز الحقيقة ..
كمان بيشرح من داتا خاصة بيه ، لكن متوافقة مع كتاب القسم ، إلا إنها زايدة عنه ف الصور و أحيانًا الشرح .
د / خالد بعد ما بيشرح الشابتر ، بيقولكم إيه الجزئيات المهمة و إيه اللي مش مهم ،
و بيمسك المهم يطلع منه كام سؤال يقولك هما دول اللي جايين ف الامتحان ..
ف لازم تحضر المحاضرات ، و تسجلها .
- مصدر المذاكرة : مش هتفرق سواء ذاكرت من كتاب القسم أو من الداتا بتاعت الدكتور ،
لإنهم تقريبًا زي بعض ، لكن الداتا بيبقى فيها حاجات زيادة أحيانًا ، و ممكن الدكتور يسأل فيها ف الشفوي ؛
ف لو حابب تذاكر من كتاب القسم ، بتبقى معاك الداتا تضيف منها الزيادات اللي الدكتور نفسه بيحددهالك .
لو حابب مصدر خارجي ، يبقى كتاب د / أسامة أبو النصر : منظم جدًا و مليان صور وألوان ف ممكن تفهم منه ،
أو حتى الجزئيات اللي مش قادر تحفظها بطريقة كتاب القسم بتحفظها بطريقة كتاب د/ أسامة .
طبعًا هنحاول نوفرلك نسخة PDF علشان تجرب الكتاب وتشوف هيفيدك فعلًا ولا ملوش لازمة .
- التسجيلات : مش محتاج تسمع فيديوهات أو تسجيلات ، خصوصًا الترم الأول
لإن المنهج بتاعك مختصر خالص وسهل إن شاء الله ، على عكس المناهج بتاعت الجامعات التانية ،
ف لو حاولت تسمع تسجيلات هتلاقي عندهم إضافات كتير .
لكن عمومًا تقدر تسمع شرح د/ ناجي .. أفضل شرح للفسيولوجي على مدار السنتين .
====
الامتحانات :
أعمال السنة :
د/ خالد بيتفق معاكم على معاد الامتحان ، وانتوا بتختاروا عاوزينه Short Notes ولا MCQ ،
لكن الأفضل يكون Short Notes .. علشان الـ MCQ بتاع الفسيولوجي بيكون رخم شوية .
====
التحريري :
زي ما قلنا بتمتحنه مع الهستولوجي ، لإنهم مادة واحدة ..
لكن بيبقوا امتحانين منفصلين ، يعني بتاخد ورقتين أسئلة ، وكراستين إجابة ف نفس الوقت .
الامتحان مش بيخرج عن تحديدات الدكتور خالد .
====
العملي :
مفيش عملي فسيولوجي الترم الأول
====
الشفوي :
زي ما قلنا في الأناتومي .
====
توزيعة الدرجات :
المادة عليها 30 درجة ، بتتقسم كالتالي :
أعمال سنة : 10 درجات
التحريري : 15 درجة
الشفوي : 5 درجات
استكمالًا للخبطة اللي انت فيها،
فيه جزء من علم الفسيولوجي اسمه Biophysics ، وده ملوش علاقة بالخلية
فعلشان كده هتدرسه كمادة منفصلة، مش كجزء من الـCell Biology
لو اتلخبطت يبقى كبّر دماغك وهتفهم أثناء الدراسة
الفيزياء الحيوية – Biophysics
دي مادة صغيرة ، و سهلة .. حوالي 70 ورقة بس .. المفروض متجيبش فيها أقل من امتياز .
====
المحاضرات :
غالبًا اللي بيشرح المادة دي د / أحمد مصطفى ، الدكتور بيشرح على السبورة ..
شرحه متفق مع كتاب القسم لكن مختلف عن طريقة د / خالد شوية ، ف غالبًا بتكتبوا وراه ،
أو بتسجلوا المحاضرة و بعدين تطلعوا من التسجيل الحاجات الزيادة اللي هو قالها
علشان امتحان الشفوي بياجي من كلام الدكتور طبعًا .
- مع العلم إن د/ خالد و د/ أحمد مصطفى أحيانًا بيبدلوا مع بعض ف جزئيات
يعني عادي جدًا ممكن دكتور خالد يديلك محاضرة في البايوفيزكس
و د أحمد مصطفى يديلك محاضرة في السيل بيولوجي ( لكن غالبًا د أحمد مش بيدي غير ف البايوفيزكس ).
====
الامتحانات :
أعمال السنة :
امتحان واحد ، بتحددوا معاده مع الدكتور ، وغالبًا بيكون Short Notes .
====
النظري :
بيكون امتحان بسيط إن شاء الله .
====
مفيش عملي أو شفوي
====
توزيعة الدرجات :
المادة عليها 30 درجة ، بتتقسم :
أعمال السنة : 10 درجات
التحريري : 20 درجة
====
المحاضرات :
غالبًا اللي بيشرح المادة دي د / أحمد مصطفى ، الدكتور بيشرح على السبورة ..
شرحه متفق مع كتاب القسم لكن مختلف عن طريقة د / خالد شوية ، ف غالبًا بتكتبوا وراه ،
أو بتسجلوا المحاضرة و بعدين تطلعوا من التسجيل الحاجات الزيادة اللي هو قالها
علشان امتحان الشفوي بياجي من كلام الدكتور طبعًا .
- مع العلم إن د/ خالد و د/ أحمد مصطفى أحيانًا بيبدلوا مع بعض ف جزئيات
يعني عادي جدًا ممكن دكتور خالد يديلك محاضرة في البايوفيزكس
و د أحمد مصطفى يديلك محاضرة في السيل بيولوجي ( لكن غالبًا د أحمد مش بيدي غير ف البايوفيزكس ).
====
الامتحانات :
أعمال السنة :
امتحان واحد ، بتحددوا معاده مع الدكتور ، وغالبًا بيكون Short Notes .
====
النظري :
بيكون امتحان بسيط إن شاء الله .
====
مفيش عملي أو شفوي
====
توزيعة الدرجات :
المادة عليها 30 درجة ، بتتقسم :
أعمال السنة : 10 درجات
التحريري : 20 درجة
AmrZeid- Admin
- الجنس :
عدد المساهمات : 101
تاريخ التسجيل : 27/08/2015
العمر : 27
الهوايات : Reading - Writing - Internet Surfing
المزاج : مُتفائل
مواضيع مماثلة
» زتونة الـBiochemistry الترم الأول
» زتونة الـAnatomy الترم الأول
» زتونة الـBiochemistry الترم الأول
» زتونة الـHistology الترم الأول
» زتونة الـPhysiology
» زتونة الـAnatomy الترم الأول
» زتونة الـBiochemistry الترم الأول
» زتونة الـHistology الترم الأول
» زتونة الـPhysiology
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى