من أروع برامج الترجمة – هيفيدك جدًا

من طرف **AmrZeid** 07/09/15, 09:11 pm

برنامج GoldenDict

البرنامج ده بيجمع أفضل القواميس العالمية في مكان واحد
يعني تبحث عن معنى كلمة ، يجيبلك معناها – أو المقالات اللي بتشرحها – في كل القواميس اللي انت بتحددها

والأجمل من كده إنه مجاني 100%

نبدأ الشرح على بركة الله

حمل البرنامج من اللينك ده :

http://goldendict.org/download.php

اختار النسخة اللي تعجبك ، أنا اخترت آخر نسخة من غير إضافات ، علشان أختار الإضافات بمزاجي
من أروع برامج الترجمة – هيفيدك جدًا 28syj4i

من أروع برامج الترجمة – هيفيدك جدًا 28syj4i

بعد ما بتدوس ، بيفتح صفحة تانية ، بتاخد 5 ثواني ويبدأ التحميل

بعد كده هتثبت البرنامج بالطريقة المعتادة

Next , Next , Finish

والكلام الفاضي ده

بعد ما بتخلص تثبيت ، البرنامج غالبًا مش بيبقى عامل شورت كت على سطح المكتب

ف بتفتحه يا إما من قائمة Start

يا إما من البحث
من أروع برامج الترجمة – هيفيدك جدًا 2505ov7

من أروع برامج الترجمة – هيفيدك جدًا 2505ov7

ده شكل واجهة البرنامج ، معلش مش شيك قوي علشان فري وير و كده
من أروع برامج الترجمة – هيفيدك جدًا 21oqa2o

إزاي تضيف القواميس

حاليًا البرنامج مفيهوش ولا قاموس ،
أنا هشرح إزاي تحمل قاموس و تضيفه ، بحيث إنك تقدر تستخدمه لما ميبقاش عندك نت !
لكن فيه حاجات تانية البرنامج بيقدمها ، زي خدمة ويكيبيديا ، ودي بتحتاج نت أثناء الترجمة ، ف حاول تتعرف عليها لوحدك بقى

أول حاجة هتحمل القواميس اللي انت عاوزها ،

تقدر تكتب ف جوجل GoldenDict Dictionaries و تنهل مما تجد من القواميس الوفيرة

لكن ده لينك فيه مجموعة كبيرة من القواميس ، يغنيك عن البحث

https://drive.google.com/folderview?id=0BzrQwK2v03aKWjlsQ3NsaWJKalU&usp=drive_web#list

بتدوس على اسم القاموس ، و هيحمل تلقائيًا

بعد ما تحمل القواميس اللي تعجبك ، جمعهم كلهم في فولدر واحد علشان نقدر نضيفهم للبرنامج

بعد كده افتح البرنامج

قائمة Edit واختار Dictionaries ، أو دوس F3 مباشرة
من أروع برامج الترجمة – هيفيدك جدًا Scdwrt

من أروع برامج الترجمة – هيفيدك جدًا Scdwrt

أول تاب مفتوح تلقائيًا المفروض يكون Files

بتضغط على Add على الشمال
من أروع برامج الترجمة – هيفيدك جدًا 33lnpr9

بعد كده بتختار الفولدر اللي انت حاطط فيه القواميس اللي حملتها

وتدوس OK

دلوقتي نخلي البرنامج يبحث في الفولدر عن القواميس
من أروع برامج الترجمة – هيفيدك جدًا 2qsw11c

من أروع برامج الترجمة – هيفيدك جدًا 2qsw11c

دي النافذة أثناء ما بيضيف القواميس اللي لقيها
من أروع برامج الترجمة – هيفيدك جدًا 2na5rgi

اصبر عليه شوية لغاية ما يخلص

بعد كده بتفتح تاب Dictionaries علشان تعرف إيه القواميس اللي تم إضافتها

وبتتحكم كمان في ترتيبهم

اضغط على واحد واحد و اسحبه ، وغيّر مكانه براحتك
من أروع برامج الترجمة – هيفيدك جدًا Wqqas6

من أروع برامج الترجمة – هيفيدك جدًا Wqqas6

كمان لو عاوز تقسم جروبات ، بتفتح تاب Groups وتنشئ جروب وتقسم براحتك

أو بتضغط Auto Groups وهو يقسّم حسب اللغة أوتوماتيكيًا

من أروع برامج الترجمة – هيفيدك جدًا 2uxxow2

من أروع برامج الترجمة – هيفيدك جدًا 2uxxow2

أهوه اتقسمت حسب اللغة :

من أروع برامج الترجمة – هيفيدك جدًا 2ih1kk2

ومتنساش بعد ما خلصت تدوس موافقة
من أروع برامج الترجمة – هيفيدك جدًا 11ghxtf

ودي تجربة للبرنامج
من أروع برامج الترجمة – هيفيدك جدًا 17cuj8

طبعًا زي ما انت شايف ، أنا مشرحتش كل حاجة ف البرنامج ، دي الأساسيات مش أكتر
جرب الخيارات التانية برضو

من أروع برامج الترجمة – هيفيدك جدًا C336f12409-4