زتونه ال Biochemistry الترم الثانى

من طرف **Sma Ali** 10/09/15, 03:41 am

Biochmistry

البايو "الكيمياء الحيويه" وزى م عرفنا الترم الاول انه الماده دى بتعرّفك العمليات الكيميائية اللي بتحصل ف جسمك ،

والمواد اللي بتشارك ووظيفتها والمواد اللي بتنتج ، والتركيب الكيميائي للمواد دي

زتونه ال Biochemistry الترم الثانى Fgfdg

زتونه ال Biochemistry الترم الثانى Fgfdg

الشباتر اللى حندرسها الترم ده :

1 - Protien

2- Hemoglobin

3- Immunoglobulin

4 - Vitamins

5 - Enzymes

biophysics &radiation biology - 6

7-molecular biology &biotechnology

متتخضش تقدر حتقدر تخلص كل ده فى وقت قليل

المهم انك تركز فى المحاضرات ، لانه دكاترة القسم بيحددوا الحاجات المهمه وهى دى اللى بيجى منها الامتحان

والى حد ما الترم ده انت تكون اتعودت على اسماء المركبات وحتكون كل حاجه سهله

زتونه ال Biochemistry الترم الثانى Fgfdg

مصدر المذاكرة :

بتحضر المحاضرات وده مهم جداااا ، وتحاول تركز الشرح ،

وكتاب القسم بيكون مصدر كافى للمذااكره + تسجيلك للمحاضرة عشان متفوتش حاجة من التحديدات

مصادر خارجيه :

لو انت حابب تستزيد وتفهم الماده كويس ، ففيه كتاب للدكتور عرابى بسيط فى الشرح وممكن يفيدك ،

بالنسبه للتسجيلات فالمنهج عندنا مختصر جدا مقارنه بالقصر العينى او غيره بس لو انت حابب

تستزيد ففيه تسجيلات دكتور عباس حلوة جداا ،

وفيه كمان فيديوهات لدكتور رشيد ممتعه

العملى

ف عملي البايو بتشتغل ف المعمل ، بتبقى لابس البالطو كده شطور ومعاك أدواتك وتعمل التجارب ..
المعيد أو المعيدة بيشرحلكم الخطوات بتاعت التجربة والناتج و بيعمله قدامكم ،

وبعد كده بتعملوه بأنفسكم ، وبتسألوه إذا كان الناتج بتاعكم صحيح ولا لأ .
واطمئن .. هتعمل التجارب لغاية ما تحفظها ، خصوصًا ف سكاشن المراجعة

وف الآخر كده المعيد بيقولكم على مذكرة فيها تفاصيل التجارب ، بتجيبوها وتنقلوها في كراسات العملي ،
وبتسلم كراسة العملي وانت داخل امتحان العملي

زتونه ال Biochemistry الترم الثانى Fgfdg

الامتحانات:

اعمال السنه :

امتحانين او 3 فى الترم وغالبا بيكون MCQ ، وممكن صح وغلط

الامتحانات بتيجى سهله ومكررة من السنين اللى فاتت

العملى :

زى م شوفنا فى الترم الاول بيجبلك محاليل مجهوله وانت تتعرف عليها ،

وطبعا بتعمل التجارب اللى عملتها فى السكاشن لحد م زهقت منها

والمذكرة اللى نقت منها كراسه العملى ، بتاخدها معاك فى الامتحان وتنقل منها التجربه

النظرى :

امتحان بيكون Short Notes ، واغلبه بيكون من امتحانات السنين السابقه بالنص

الشفوى :

زى باقى الاقسام

زتونه ال Biochemistry الترم الثانى Fgfdg

توزيعه الدرجات كالاتى :

اعمال السنه : 27 درجه

النظرى : 32 درجه

العملى : 22 درجه

الشفوى : 9 درجات

وبكده مجموع الدرجات 90 درجه

زتونه ال Biochemistry الترم الثانى 657657

زتونه ال Biochemistry الترم الثانى 657657