زتونة الـPathology (دفعة 2015)

من طرف **Admin** 02/09/15, 05:09 pm

هي علم دراسة الأمراض فبالتالي كدكتور لازم تكون متمكن منها

زتونة الـPathology (دفعة 2015) 92181

مصدر المذاكرة :
 القسم بيفضل كتاب الدكتور جمال ندي .
 بس إحنا بننصحك بكتاب دكتور هنداوي ؛ لإنه أفضل من حيث الترتيب والتنسيق وإخراج المحتوى العلمي
في شكل يساعد الطلبة علي الفهم + بالاضافه إلي مذكرة
( هتقرأ منها فقط الاسئله الاضافيه اللي مش متوافرة في كتاب الدكتور هنداوي ) .

تنويه :
ممكن يتبادر لذهنك سؤال : طالما القسم بيفضل كتاب د/ جمال ندي يبقى المفروض نذاكر منه
علشان امتحانات أعمال السنة وكده,, ولكن اطمئن ..
امتحانات أعمال السنة عبارة عن أسئلة short note علشان كده مش مهم المصدر اللي هتذاكر منه ،
المهم إنك تبقى حافظ المعلومة كويس ( قالنا كده د/ عبدالهادي رحمه الله ) .

زتونة الـPathology (دفعة 2015) 92181

مصادر خارجية :
1. تسجيلات دكتور هنداوي رائعة بيشرح فيها كتابه كلمة بكلمة .. هيحسسك إنك قاعد معاه
2. بالنسبة للفيديوهات ، فيه فيديوهات الدكتور سامح غازي : ودي بننصح بيها الناس اللي مش بتقدر تفهم من التسجيل ..
ف الدكتور سامح غازي بيشرح وبيرسم ف الفيديو ، ف هيساعدك ع التخيل .
3. فيه برضو تسجيلات الدكتور جمال بيشرح بهدوء وبيحاول يفهمك كل حاجة من الصفر

زتونة الـPathology (دفعة 2015) 92181

العملي :
هتحضر السكاشن وتشوف الشرايح تحت المايكروسكوب وتسمع شرح المعيد زي مادة الهستولوجي
أما من حيث مصدر مذاكرة العملي فهو علي حسب طبيعة المعيد .. إما يقولك الكومنت اللي ع الشريحة وانت تكتب وراه ،
أو يقولك تحفظ الكومنت من كتاب جمال ندي الخاص بالعملي

زتونة الـPathology (دفعة 2015) 92181

الامتحانات :
• أعمال السنة :
-- عبارة عن اسئله short notes
--عدد الامتحانات يا إما اتنين يا إما واحد ,, السنة اللي فاتت - السنة بتاعتنا - في الترم الأول امتحنا امتحان
علي أول أربع فصول والامتحان الثاني كان مع النظري .
* ملاحظات :
 أولا : بالنسبة للي بيذاكر من كتاب هنداوي : جالنا سؤال في الامتحان الأول كان عبارة عن
Cardinal signs of inflammation ?
هتلاحظ إن السؤال ده مش موجود في كتاب هنداوي بنفس النص ولكن لو عرفت إجابة السؤال ، هتعرف إنها مكتوبة
في كتاب هنداوي ولكن تحت عنوان آخر
ولكن عمومًا ، الإجابة بنفس السؤال موجودة في المذكرة .
علشان كده ضروري بعد ما تخلص مذاكرة من كتاب هنداوي ، اتصفح العناوين الرئيسية في المذكرة
بالاضافة للأسئلة الاضافية .

 ثانيا : ممكن تكسل من المذاكرة بسبب إن عدد الامتحانات قليل ، لكن ده غلط جدًا ..
لو المادة تراكمت عليك هتبقى تقيلة و هتلاقي صعوبة في إنك تلمها كلها ..
ف امشي ف السليم وذاكر أول بأول .
=========

• العملي :
امتحان العملي هنا عبارة عن 6 شرايح كل شريحة عليها خمس درجات .
المطلوب هنا :
كتابه اسم الشريحة والكومنت الخاص بها لكن الوقت كافي يعني ف متقلقش من عامل الوقت

*ملاحظات :
• اوعى تنسي كتابة اسم الشريحة ومكانها لأن عليها نُص الدرجة ( اسم الشريحة نُص ، والنُص التاني علي الكومنت ).
• الأفضل من حيث وجهة نظرنا علشان تقدروا تفهمو الشريحة كويس وتحفظوها بسهولة : تطلبوا من المعيدين قبل السكشن
إنهم يوفرولكم جزء من الوقت لتصوير الشرايح ، و إنهم يشرحوها على البروجيكتور أثناء الشرح
علشان تبقى سامع وشايف ف نفس الوقت .. عمومًا دي مجرد نصيحة مننا .

=========

• التحريري :
اسئلة ال Short notes كالعادة .

=========
• الشفوي :
زي المعتاد .

زتونة الـPathology (دفعة 2015) 92181

توزيعة الدرجات :
المجموع الكلي هو 120 درجة تتقسم الي :
تحريري 42 درجة
اعمال سنة 36 درجة
العملي 30 درجة
الشفوي 12 درجة

* ملحوظة : لازم للنجاح في التحريري حصول الطالب على 12.60 درجة في الورقة ، يعني تقريبًا 13 درجة .