زتونة الـ Biochemistry الترم الثانى

من طرف **Sma Ali** 07/09/15, 06:32 am

كل سنه وانتو طيبين ده كده اخر ترم فى البايو وبكل ما فيها ويارب نكون قدرنا نفيدكم

فى الترم ده حنكمل التمثيل الغذائى او ال Metabolism

وحندرس فيه

Metabolism of protein and Hormones

وبعض المواضيع الصغيرة البسيطه زى مثلا Obesity,Starvation,Hemoglobulin,Purines

المجموع الكلى للماده

90 درجه

مصدر المذاكرة

زى م اتكلمنا فى كل ترم ان البايو اهم مصدر ليه هو كتاب القسم ومش محتاج اى مصادر تانيه لان الدكاترة بيشرحوا من كتاب القسم وبيحددوا المهم والمطلوب منك انك تزاكره +تسجيلات المحاضرات اللى مركزش فى المحاضرة

مصادر خارجيه

فيه تسجيلات دكتور عباس مفيده جدا وشيقه وحتفهمك كويس ولو حد حابب ان يتعرف اكتر على الماده وعن كل حاجه فيها فيه كتاب دكتور عرابى ممتع وشرحه مبسط

العملى

بردو زى م اتعودنا تجارب فى المعمل وحضورك للسكاشن

الامتحانات

اعمال السنه :
بتبقى MCQ

العملى :
بيكون تجارب ع جزء Protein وبتكون سهله وبتعملها اكتر من مرة فى السكاشن بس المهم تكون محضر ادواتك والبالطو ونكون هاديين

ومتنساش طبعا الشيت بتاع الامتحان

النظرى :

بيكون Short Notes وبياجى كتير من امتحانات السنين اللى فاتت

الشفوى :

زى م اتعودنا Very Happy

توزيع الدرجات

اعمال السنه :27 درجه

العملى : 22 درجه

الشفوى : 9 درجات

النظرى: 32 درجه

وبكده يكونوا 90 درجه