منتدى إيد على إيد - طب قنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

زتونة ال Ophthalmology

استعرض الموضوع التالي استعرض الموضوع السابق اذهب الى الأسفل

شامل زتونة ال Ophthalmology

مُساهمة من طرف Admin 11/09/15, 04:27 am

زتونة ال Ophthalmology Images?q=tbn:ANd9GcQgAJdz0T3FHBxMX3WrAiJc0YdvCORGIpalPO3jXHT73EripPfN5A
هنبدا بالرمد لأنه أهم مادة في الترم الأول
لانه اكبر من حيث الدرجات 
غير انه مهم جدا في دراسته  


 

ازاي هندرس الرمد :







هنتكلم في الفقرة ديه عن تلت حاجات   


راوند الرمد
عيادة الرمد
 محاضرة الرمد 

أولا : راوند الرمد :


 

  • المدة : زى ما قلنا قبل كده شهر كامل ,, في كل أسبوع بتاخد تلت أيام ,, في كل يوم من ساعتين الي تلاته .
  • مكان الدراسة : في مبني الفصول .
  • طريقة التدريس فيه :

1. أول حاجة بيبدا الدكتور بيشرح علي السبورة عن أمراض والجزء النظري الخاص بيها.


2. بعد ما الدكتور بيخلص شرح الراوند بيكلم العيادة تبعتله بعض الحالات من العيادة بيكون عندهم الأمراض اللي شرحهم الدكتور وبيعلمك ازاي تقدر تعرف الحالات وتشخصها بس عملي .


3. فرضاً في كل راوند بناخد حوالي 5 حالات يعني في نهاية شهر الراوند هيكون عندنا 60 حالة اخدناها ,, ده مثال توضيحي بس عشان تعرفوا بس إن مش كل الحالات هنشوفها لا في بعض الأيام ممكن ميكونش في حالات أساسا هتشوفها .



4. طريقة المذاكرة للراوند بتبقي أنت اخدت النهاردة في الراوند بعض الحالات ترجع بقي تفتح كتاب النظري اللي هتذاكر منه وتبدأ تحفظ الجزء النظري الخاص بكل حالة .


·   امتحان الراوند :
بعد ما وضحنا كل حاجة عن راوند الرمد مش هيفضل معانا غير
 امتحان ال End Round

اللي قولنا هنا هنشرحه  ,, نعرف ايه بقي عن الامتحان ده :


1. أول حاجة انه جزء من درجات أعمال السنة .
2. تاني حاجة الامتحان بيبقي ازاي :
الامتحان بيتكون من جزئيتين 

                                       أول جزئية :                                              
الدكتور بيدخل 8 حالات في الفصل وبيدخل جروب من 8 أفراد من الراوند
 كل فرد قصاد حالة 
 المطلوب من كل فرد خلال دقيقة واحدة عشان هتسمع ال Move  
 انه يفحص الحالة اللي قدامه ويكتب بس في الورقة ال Spot diagnosis  
 عن كل حالة بس 
 بيبقي مكتوب في الورقة أي عين تفحصها زي
Examine Left Eye
 Examine Right Eye
Examine both eyes

كده


في ملاحظة هنا تخلي بالك منها:
في جو الامتحان بيبقي في رهبة والناس بتتلخبط 


بتتلخبط في إيه بقي؟؟
 بص بقي لما يقلك افحص العين الشمممممال
 تذكر انه بيتكلم علي مين ؟؟ بيتكلم عن الحالة طبعا مش عليك  lol!
  ففي ناس سواء من الرهبة أو من السرعة
 بتفحص العين اللي هي بتبقي قصاد عينه الشمال
 وده طبعا غلط لان عين الحالة هتكون في وضع عكسك
يعني كده هتفحص اليمين 
لانه ببساطة 
  يعني يمين الحالة شمالك
 وشمال الحالة بيبقي ناحية اليمين لأنك واقف قدامه
  أرجو تكون فهمتوا التنبيه ^_^


ندخل بقي 
علي 
تاني جزئية :
 
بعد ما الفرد بيخلص أول جزء بيروح بعد كده لقسم الرمد عشان المناقشة
 إيه بقي المناقشة ديه ؟؟ Cool
ديه زي لجنة الشفوي بالزبط بتدخل عند دكتور
وتتسال علي الحالات اللي أنت دخلتها
 أزاي عرفتها وبيسالك علي الجزء النظري عن كل حالة
 " اللي قولنا ليك انك تذاكره بعد ما تخلص الراوند وترجع البيت " 
 في ناس بيعتبروا إن المناقشة ليك اكتر ما هي عليك يعني
 "فرضا أنت غلطت في حالة جوه وكتبتها حاجة تانية عشان شوفت حاجة معينة فالدكتور لو حس انك فاهم وكده ممكن يرفعك في الدرجات شوية cheers *لكن* لو حليت كلوا صح وفي المناقشة معرفتش تحل هيديك درجة زبالة جدا affraid "
             وبكده نكون انتهينا من اول جزئية اللي هي
          راوند الرمد       Very Happy 


ثانيا: العيادات : 








إيه المفروض إننا نعرف عن العيادات بقي  ؟؟
1. أول حاجة ده شئ اختياري مش إجباري ,, الطالب اللي عاوز يروح يروح .

2. العيادات زي عيادة الرمد انت مش بتروح بقي تكشف هناك ,, لا انت بتحضر في العيادة وبتشوف الدكاترة وهمن بيكشفوا علي الحالات ,, لو حبيت تكشف بتروح تستأذن من المريض وتحاول تخليه انه يسمح ليك تكشف لأنه مش إجباري عليه انك تكشف فلازم
تستاذن منه وكده ,, اما غير كده مستمع ومشاهد .

3. الفايدة اللي هتاخدها لما تنزل انك هتبقي واثق من نفسك ليس إلا ,, هتبقي واثق انك صح بتعرف الحالات وانك بتعرف تكشف وبتاخد الثقة ديه معاك لل
   . end round & practical

4. العدد المفروض ميزدش عن خمسه أربعة ,, لأنه لو حصل تكدس دكتور احمد حسن الدغيمي هيقول زي السنة اللي فاتت انه يقفل العيادات وإلا نقسمها مع بعض ,, فالمفروض اللي بيحصل انه من التقسيم فالاحقيه طبعا في العيادة بتبقي للناس اللي عندها راوند الرمد في الشهر ده ,, فلازم الموضوع يبقي بتنظيم وإلا انت كده بتضيع حق غيرك  No No

 
 

ثالثا : المحاضرات :







 
·         بالنسبة للمحاضرات بتبقي عبارة عن محاضرتين في الأسبوع .
·         مفيش إلزامية للحضور .

 
      زتونة ال Ophthalmology 0123
ناجي بقي  للمهم دلوقتي 
            فركزوا معانا ^_^    


اولاً : مصدر المذاكرة :

1. الشائع : كتاب دكتور عبد الحليم والتسجيل بتاعه "ده رأي ".
2. "الرأي الأخر " : بما إن ال MCQ  مش هتجاوب فيه lol! ,, فالناس في الرأي ده قرروا إنهم يذاكروا للنظري بس ,, فبيستخدموا كتاب دكتور ياسر ( كتاب ملخص عن عبد الحليم ) .
3. في شرح دكتور تاني "البعض" سمعوا شرحهواوصوا بيه وهو دكتور الكفراوي فيديوهات .



زتونة ال Ophthalmology 0120


ثانيا : الامتحانات : 



          أولاً:أعمال السنة :

        بينقسم لجزئين 
       جزء أول :
           وهو ال End Round  اللي شرحناه بالتفصيل قبل كده .

     جزء تاني :
              عبارة عن امتحان MCQ  اللي محدش بيحل فيه   lol! 
     بيكون بعد شهرين تقريبا .


ثانيا : العملي : 
1. بالزبط زيه زي امتحان ال End Round  الفرق الوحيد انه اكبر في الدرجات .
2. اكتر جزء بينزل في العملي
الجزء بتاع ال
Lens   .

3. متخافش ولا هو ولا في ال End Round  بيجيبلك حالة مشفتهاش قبل كده زيها .


 
ثالثا النظري :
بيبقي عبارة عن اسئلة مقالية و Case  و MCQ
 
رابعا الشفوي :

زى أي شفوي وفي الدنيا ... Very Happy

 
زتونة ال Ophthalmology 0120

 
توزيع الدرجات :


أعمال السنة : 97 درجة
عملي : 81 درجة
تحريري : 115 درجة
شفوي : 32 درجة
 
وبكده انتهينا من شرح الرمد في كل حاجة
نتمني نكون وصلنا 
كل حاجة محتاجينها 
 ^_^

 

زتونة ال Ophthalmology Images?q=tbn:ANd9GcSeiQfPnOzM0tvO9KIkIY_a85iCmBpDCs9Jxncy3t6O0H4DTPbcnQ









        

Admin
Admin
Admin

الجنس : ذكر
عدد المساهمات : 43
تاريخ التسجيل : 27/08/2015
الموقع : http://tebqena.egyptfree.net

http://tebqena.egyptfree.net

الرجوع الى أعلى الصفحة اذهب الى الأسفل

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى