زتونه ال Biochemistry الترم الثانى
صفحة 1 من اصل 1 • شاطر
زتونه ال Biochemistry الترم الثانى
Biochmistry
البايو "الكيمياء الحيويه" وزى م عرفنا الترم الاول انه الماده دى بتعرّفك العمليات الكيميائية اللي بتحصل ف جسمك ،
والمواد اللي بتشارك ووظيفتها والمواد اللي بتنتج ، والتركيب الكيميائي للمواد دي
الشباتر اللى حندرسها الترم ده :
1 - Protien
2- Hemoglobin
3- Immunoglobulin
4 - Vitamins
5 - Enzymes
biophysics &radiation biology - 6
7-molecular biology &biotechnology
متتخضش تقدر حتقدر تخلص كل ده فى وقت قليل
المهم انك تركز فى المحاضرات ، لانه دكاترة القسم بيحددوا الحاجات المهمه وهى دى اللى بيجى منها الامتحان
والى حد ما الترم ده انت تكون اتعودت على اسماء المركبات وحتكون كل حاجه سهله
مصدر المذاكرة :
بتحضر المحاضرات وده مهم جداااا ، وتحاول تركز الشرح ،
وكتاب القسم بيكون مصدر كافى للمذااكره + تسجيلك للمحاضرة عشان متفوتش حاجة من التحديدات
مصادر خارجيه :
لو انت حابب تستزيد وتفهم الماده كويس ، ففيه كتاب للدكتور عرابى بسيط فى الشرح وممكن يفيدك ،
بالنسبه للتسجيلات فالمنهج عندنا مختصر جدا مقارنه بالقصر العينى او غيره بس لو انت حابب
تستزيد ففيه تسجيلات دكتور عباس حلوة جداا ،
وفيه كمان فيديوهات لدكتور رشيد ممتعه
العملى
ف عملي البايو بتشتغل ف المعمل ، بتبقى لابس البالطو كده شطور ومعاك أدواتك وتعمل التجارب ..
المعيد أو المعيدة بيشرحلكم الخطوات بتاعت التجربة والناتج و بيعمله قدامكم ،
وبعد كده بتعملوه بأنفسكم ، وبتسألوه إذا كان الناتج بتاعكم صحيح ولا لأ .
واطمئن .. هتعمل التجارب لغاية ما تحفظها ، خصوصًا ف سكاشن المراجعة
وف الآخر كده المعيد بيقولكم على مذكرة فيها تفاصيل التجارب ، بتجيبوها وتنقلوها في كراسات العملي ،
وبتسلم كراسة العملي وانت داخل امتحان العملي
الامتحانات:
اعمال السنه :
امتحانين او 3 فى الترم وغالبا بيكون MCQ ، وممكن صح وغلط
الامتحانات بتيجى سهله ومكررة من السنين اللى فاتت
العملى :
زى م شوفنا فى الترم الاول بيجبلك محاليل مجهوله وانت تتعرف عليها ،
وطبعا بتعمل التجارب اللى عملتها فى السكاشن لحد م زهقت منها
والمذكرة اللى نقت منها كراسه العملى ، بتاخدها معاك فى الامتحان وتنقل منها التجربه
النظرى :
امتحان بيكون Short Notes ، واغلبه بيكون من امتحانات السنين السابقه بالنص
الشفوى :
زى باقى الاقسام
توزيعه الدرجات كالاتى :
اعمال السنه : 27 درجه
النظرى : 32 درجه
العملى : 22 درجه
الشفوى : 9 درجات
وبكده مجموع الدرجات 90 درجه
Sma Ali- Family Member
- الجنس :
عدد المساهمات : 6
تاريخ التسجيل : 06/09/2015
مواضيع مماثلة
» زتونة الـ Biochemistry الترم الثانى
» فيديوهات وتسجيلات ال Biochmistry الترم الثانى
» فيديوهات وتسجيلات ال Biochmistry الترم الثانى
» فيديوهات وتسجيلات الـ Biochemistry الترم الأول
» زتونه الـPharmacology (دفعة 2015)
» فيديوهات وتسجيلات ال Biochmistry الترم الثانى
» فيديوهات وتسجيلات ال Biochmistry الترم الثانى
» فيديوهات وتسجيلات الـ Biochemistry الترم الأول
» زتونه الـPharmacology (دفعة 2015)
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى