زتونة الـHistology

من طرف **AmrZeid** 05/08/16, 03:18 pm

الهستولوجي في الترم الأول بيتقسم جزئين،

الجزء الأول تبع مادة CNS 1 (Central Nervous System)

والجزء التاني تبع مادة CVS (Cardio Vascular System)

زتونة الـHistology Fgfdg

الجزء الخاص بالـ CNS 1

مصدر المذاكرة :
زي ما اتعودت من سنة أولى : مُهم إنك تحضر المحاضرة ، وتسجل للدكتور ، وترسم وراه ، وتبيض المحاضرة .. و بتستعين بكتاب القسم في التبييض .. وأسئلة الامتحانات بتاجي من المحاضرات .. غالبًا

مصادر خارجية :
لو احتجت فيديوهات في الهستولوجي ف عليك بـ د/ جيهان ( القصر العيني ) رووعة

العملي :
مطلوب منك في العملي إنك تحضر وتصوّر الشرايح – أو واحد من السكشن يصوّر ويبعت للباقي علشان ياخد راحته في التصوير –
و الامتحان بياجي شرايح ورسم زي سنة أولى .

توزيعة الدرجات :
أعمال السنة : 13 درجة
العملي : 11 درجة
النظري : 17 درجة
الشفوي : 4 درجات

و كده الـ45 درجة

زتونة الـHistology Fgfdg

الجزء الخاص بالـ CVS

الهستولوجي هنا جزئين :
Blood & Lymph

مصدر المذاكرة :
بيبقى من تبييض المحاضرات + الرسم ورا الدكتور + الاستعانة بكتاب القسم في الحاجات اللي مش واضحة
وأحيانًا فيه دكاترة – زي دكتور عصام – بيدي مذكرات

مصادر خارجية :
لو احتجت مصدر خارجي ، ف فيديوهات د/ جيهان ( القصر العيني ) كويسة جدًا

العملي :
فيه شرايح شبه بعض ، ف بتحضر السكشن علشان المعيد يقولك إزاي تفرق بين كل شريحة والتانية ،
و مينفعش تعتمد على مجرد الشكل

الامتحانات :
أعمال السنة : امتحانات أعمال السنة بتبقى MCQ وهما غالبًا امتحانين بس
العملي : 10 شرايح تحت المايكروسكوب + امتحان الرسم
النظري : عبارة عن Short Notes ولازم الرسم علشان تاخد الدرجة كاملة

توزيعة الدرجات :
أعمال السنة : 13 درجة
العملي : 11 درجة
التحريري : 17 درجة
الشفوي : 4 درجات

وكده الـ 45 درجة

مع ملاحظة إن نسبة النجاح في التحريري 35%